E enjte, 19 nëntor 2026

Rubrikat

Mbështet Limit.al

Poeti i shquar, Hamit Aliaj- Mjeshtër i Madh, përcillet me nderime të larta shtetërore, qytetare e familjare

Në ditën e sotme, me 8 mars 2023, me nderime të larta shtetërore, qytetare e familjare, poeti i shquar Hamit Aliaj- Mjeshtër i Madh, u përcoll me homazhe në vendlindjen e tij, në Tropojë.

Në ceremoninë përcjellëse, para Muzeut Historik të Tropojës, mbajti një fjalë kryetari i Bashkisë Tropojë, Rexhë Byberaj.

Për krijimtarinë, jetën e veprimtarinë e tij, folën miqtë e tij, ish ambasadori i Shqipërisë në Kosovë, dr. Islam Lauka; ish Ministri i Jashtëm i Shqipërisë, poeti e shkrimtari Besnik Mustafaj dhe krijuesi e studiuesi nga Kosova, Kamber Kamberi.

Gjithashtu folën edhe të afërm të tij, veprimtari i njohur i Tropojës, Ali Berbati dhe kryetari i Shoqatës së Shipshanit, Besnik Bajraktari.

Këshilli Bashkiak i Tropojës, rrugën kryesore të fshatit të tij të lindjes, Kasaj i Shipshanit, e pagëzoi me emrin e poetit të shquar Hamit Aliaj.

Folësit në ceremoninë përcjellëse vunë në dukje meritat e mëdha dhe vlerat e larta të 7 librave të tij poetik të vlerësuara edhe me çmime kombëtare, që siç thotë një akademik: emri i tij i bën nder edhe letërsisë evropiane. Ndërsa me tekstet e mbi 200 këngëve të tij, si “N’Dardani bie një tupan” etj., siç thotë një poet e mik i tij: “ishte UÇK para se të krijohej UÇK-ja”, sepse këngët e tij ishin hite e himne të Lirisë e të Pavarësisë së Kosovës dardane.

http://limit.al/wp-content/uploads/2023/03/Facebook-video-738807180961924.mp4

http://limit.al/wp-content/uploads/2023/03/Facebook-video-1269920190544071.mp4

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë