E mërkurë, 18 nëntor 2026

Rubrikat

Mbështet Limit.al

“Nanbabe më punoi me gjypner”/Nga cikli poetik “Gjysa tjetër n’hije” i poetes Elma Hilgega

Modestinë ma punoi
me gjypner nanababe
nji natë të ftoftë dimni
kur u mor vesh se nuses s’re
i merreshin mendt’ çardakut.

Ma punoi me lesh malësie,
lesh dimni e vere.
Gojëdhanat te unë mbërriten në versionin
se gjyshes i ishte dashtë me shkepë diçka tjetër për me punu’ me modestinë krejt rehat
por jo dhe fort,
sepse për kohën
ishte e pamujtun me u saktësu’ gjinia e bebit,
kjameti, ndonji i motçëm merrte mundimin me e diktu’ nga tiparet që do zhvillonte e zanuna në shtat.
Gjyshes i ishte dashtë me kriju’ diçka që përshtatej për dy gjini.
Asokohe njiheshin veç dy.
E për me i ra shkurt,
modestia jeme përfundoi e bardhë.
Nana ende sot e rrëfen me nostalgji:
-“Ça të shkonte modestia me sytë, moj nanë”!
9 muj’ ma vonë,
u linda unë.

Kur isha femijë,
gjyshja
ma vishte me zor,
më premtonte se do rritej me mu’
e pretendonte premtim se do ia vishja
dhe unë fëmijës tem nji ditë.

Modestine ma punoi
me gjypner nanababe,
nji natë dimni
kur u mor vesh mëkati i nuses s’re
nëpër mahallë.
9 muj’ ma vonë,
u linda unë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë