E mërkurë, 18 nëntor 2026

Rubrikat

Mbështet Limit.al

VARRI I DYQINDTË

Nga Agron TUFA – Tiranë.

Sot hapa varrin e dyqindtë. Ende s’ka vdekur njeri. Por dikush do të vdesë. Deri në mbrëmje. Me siguri. “Varri duhet të jetë gati, tha polici, se ju, reaksionarët, nuk e deklaroni të vdekurin… Që të merrni një copë bukë më shumë. Ju, tha ai, edhe me të vdekurit tuaj, kërkoni ta dëmtoni pushtetin popullor”. Pastaj iku.
E kam privilegj këtë punë. Që në Turan. Një varr – një copë bukë misri. Gjysmën për vete, gjysmën për mamanë dhe motrën e vogël.
Vijnë ca vajza kurreshtare. Pyesin:
– Po tash, kush ka vdekë?”
– Këtë e kam për vete”,
Shtrihem në gropë.

“Kqyreni! E kam hapur të bukur! Si për vete”, them dhe mbyll sytë me ëndje.“
Polici!” – klithin vajzat dhe ndjej si largohen saora. Hap sytë: në teh të gropës, përballë, polici. Dalloj kjartë si i dridhen mustaqet prej tërbimi. Marr të ngrihem, por ai bën shenjë: “Rri, mos lëviz!”. Heq pushkën prej supit dhe më merr shenjë. “Shaka do të jetë”, mendoj. E ndjek i qetë, pa treguar grimë frike. Mandej, befas, krisma… Britmat e fëmijëve vijnë e shuhen, shurdhohen.

Mbetet mendimi i mbramë… Me dheun e freskët, që njomet nën brinjë: i dyqindti…

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë