Nga MUSTAFA V. SPAHIU
I.
Katër stinësh të jetës Orfe i shpresës,
E mërkurë, 18 nëntor 2026
Nga MUSTAFA V. SPAHIU
I.
Katër stinësh të jetës Orfe i shpresës,
Riosh i magjepsur n’ “Lulet e verësë”-
Vargjet tua m’i hapën krahët e derës,
“Bagëtia e bujqësia” sinonim i besës.
Dagëllisë e pash prejardhjen diellore,
Në Frashër m’u shfaqe ti bilbil vetë, e
Ditëve lind përsëri nga Zoti i vërtetë,
Ç’i bie xhurasë – fyelli jehonte prore.
Bulëzon frashëri me një bredh të ri,
Vjosa t’i lanë faqet sapo nis t’agojë,
“O eros” çdo foshnje nis t’belb’zojë.
Qeshja jote na flladit – qershor me shi,
E – “Dëshirë e vërtetë e shqiptarëve,”
“Istori e Skënderbeut” nis e t’parëve.
II.
Me penë këndove – gjuha jote na flet,
Cepave t’Arbërisë bukur e ke mbjellur
Te kro’i fshatit t’gjithë janë mbledhur;
Këngëtim’i zjarrtë – palca jonë këlthet.
N’galakse – mburrja ty sa të ka hije…
Ndaj engjëllit mordja s’kishte mëshirë!
Ngado ta kërkojmë fjalën më t’dëlirë-
“Gjithësia” t’nis kurora thurur me yje!
Majës s’Tomorrit n’amshim i diellzuar,
Në këtë përvjetor – na flakrojnë sytë;
Vallë, lindja jote është si qiellit yjtë…
As penat e reja s’kanë për t’harruar,
Grykës së Gramozit lehtas vjen erë,
Poet zemrash – me ne je përngaherë.
III.
Vijnë zogjët e jugut me këngë të arta,
Faqet e stinëve çdo ditë po përtriten.
Ëndërrat e blerta – shkëmbit po rriten;
Ylberet e dyfishta – hovesh me flatra.
Nga tok’e bekuar çdo lule sythat i qet,
Ardhja poetit po kumbon në hapësirë,
Me artin naimian ende nuk jemi ngirë!
Sa bukur e tjerri fjalën n’boshtin e vet.
Lindur e rritur n’Frashërin e Përmetit,
Abdyli gjithë vëllezërit i morri me vete,
Me fatin në ballë shtigjeve t’kësaj jete.
Vajtën në Janinë pastaj përtej – detit!
Veprat i kem’ peng vatrash shekullore,
Shekujt varg s’do t’i harrojnë prore…
E shtunë, 6/7 mars 2021, në
Dardaninë Ilire
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

