E mërkurë, 18 nëntor 2026

Rubrikat

Mbështet Limit.al

Të dinë për katund Kosovë

Nga Rexhep SHAHU

Kosovë, t’njoh ty si dobësitë e mia.

S’ki kujt i ankohesh, kopilat e tu po t’shesin!

Të dinë për katund, Kosovë,

Një katund i humbur dikur në Veri

Me njerëz të egër, që flasin trashë

Që vijnë e na pshurrin detin në verë.

Ti je guri ku mbështes kryet Kosovë

Ku marr fuqi mos me vdekë

Je ëndrra që gjithë jetën të kam ndjekë

Ulkonja që duan ta shqyejnë qentë.

Ti je nëna që lind pesë për shpi e pesë për shki

Je baba që vdes te mbrojtë pragun e shtëpisë

Je vorri i babës, i nanës që flet

Je vorri i fëmijës që thërret.

Kopilat s’mund ta shesin Kosovën

Se s’pranojnë vorret me u shitë

S’munden vorret mos me folë shqip

S’mundën vorret me ikë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë