E mërkurë, 18 nëntor 2026

Rubrikat

Mbështet Limit.al

Shpallen fituesit e Çmimit Nobel në Fizikë

Tre shkencëtarë u nderuan me çmimin Nobel në fizikë lidhur me punën e tyre për për të kuptuar “evolucionin e universit dhe vendin që zë Toka në univers”.

Komisioni Nobel njoftoi të martën se gjysma e çmimit prej 918,000 dollarësh shkon për shkencëtarin kanadezo-amerikan James Peebles, për shkak të kontributit të tij për të kuptuar se si ka evoluar universi prej fazave të hershme të tij në ditët e sotme.

Sipas komisionit zoti Peebles ka kontribuar në përparimin e kornizës që ka formuar “bazat e ideve bashkëkohore rreth universit”.

Gjysma tjetër e çmimit u shkoi shkencëtarëve zviceranë Michel Mayor dhe Didier Queloz.

Në 1995-n ata njoftuan zbulimin për herë të parë të një planeti jashtë sistemit tonë diellor që rrotullohej rreth një ylli të tipit diellor.

Që atëherë, studiuesit kanë gjetur më shumë se 4,000 planete që rrotullohen rreth yjeve që ndodhen jashtë sistemit tonë diellor, në galaktikën e Rrugës së Qumështit.

“Falë shumë projekteve të planifikuara për të nisur kërkimin mbi planetet jashtë sistemit tonë diellor, mund të gjejmë përfundimisht një përgjigje rreth pyetjes së kahershme nëse egziston jetë diku gjetkë”, thanë anëtarët e komisionit.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë