I pyetën me rend
Klerikët fetarë:
-Si i ndajnë të mirat
E mërkurë, 18 nëntor 2026
I pyetën me rend
Klerikët fetarë:
-Si i ndajnë të mirat
A hanë në kandar?!
Sa më përket mua
Tha Prifti qejfli:
-Do ta ndaj fitimin
Drejt në terezi!
Në tokë bëj një rreth
N’mes një vijë të drejtë,
Me dy duar të mirat
I hedhim përpjetë!
Çka bije këndej vijës
Për vete i mbaj,
Kurse matanë vijës
N’popull i shpërndaj!
Pastaj shprehet Frati
Urtë e but për besë,
Unë e bëjë një rreth
Jo të ndarë në mes!
Po ashtu të mirat
I hedhim në erë,
Çka bie në rreth
Më takojnë me nder!
Tjerat jashtë harkut
I ndaj sipas nevojës,
Askush të mos mbetet
Pa bukën e gojës!
I vjen radha Hoxhës
E jep një mendim,
Të mirat në ajër
I hedh pa mbarim!
Çka mbetet në qiell
Për popull e zogj,
Krejt çka bie n’tokë
Janë të Agës Hoxhë!
Sevdail Hyseni
(Karikatura marrë nga interneti)
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

