Nga veriu i Kosovës
Deri n’lindje të saj,
Festa e Flamurit
E mërkurë, 18 nëntor 2026
Nga veriu i Kosovës
Deri n’lindje të saj,
Festa e Flamurit
Me gëzim e vaj!
Ky simbol shqiptar
Me vlerë historike,
Nuk valon i lirë
N’hapësirat etnike!
Në Luginë t’Preshevës
Sikur askund tjetër,
Çështja e flamurit
Me avaz të vjetër !
Ai mund të duket
Në çdo katër stinë,
N’Konçul e varreza
Por, jo n’gjithë Luginë!
Flamuri në festa
Duket dy-tri orë,
Pastaj n’katër vjet
N’procesin zgjedhor!
Edhe pse nuk gjendet
Një zgjidhje me ligj,
Lidershipi ynë
Nuk mërzitet hiq!
Lufta për pushtet
S’bëhet me përralla,
Pse dënohet populli
Askujt s’i ha palla!
Ngase liderucët
Nuk i prek shteti,
Ata na i mbron
Me nder imuniteti!
Ndoshta kjo satirë
Dikujt s’i pëlqen,
Para se të shaj
T’shikohet n’legen!
Sevdail Hyseni
(Karikatura marrë nga interneti)
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

