E mërkurë, 18 nëntor 2026

Rubrikat

Mbështet Limit.al

Një urim si hardhia e blertë – Nga Neki Lulaj

Vëllait tim

Si kurrë
më parë vëlla hardhitë m’u dukën me të bardha
jo vitet në jetë,
por jeta në vite ka kuptimin e vërtetë
Sa shumë  shporta
me urime të djersitura avullonin kuq diellarta.
Sa
Shumë  dashuri zgjohet në  këtë  ditë  të  shenjtë

Dua
t’i shtrëngojmë rripat e sinorëve të jetës së  jetuar
Se motet
ikin si uji nën urë e  nuk kthehen….kurrë.
Shtatëdhjetë e një kokrra rrush të ëmbla janë  kaq të  ëmbëlsuar
të shpejta,
të largëta e të ngadalta me dritë  e punë .

Të shpejta si ëndërrat  a pulëbardha mbi oqean
Të ngadalta
si kërmill vreshte a si të  atij që  duket te  rrëzë lisi….
Do të  shtrëngoja  shtatëdhjetë e një herë  me kaq mall.
Sonte
më  ngjan  si shtizë flamuri e bajrak fisi

Sonte si kurrë më  parë
Ti cakërojmë  nga largësia gota gëzimi
Për jetën tonë
të numërojmë brengat e urimet.
Të kujtojmë uratat që na erdhën nga zemër prindi
Të kujtojmë ndërkëmsave e kohës e territ në vite..

…

Lugina e Bellës
të bëhen për ty ujëvarë, lumë e det.
Le të zgjohet
dashuria prindërore e respekti vëllazëror.
Le të bëhen
si anija në lundrim mbi detin e qetë
a si bjeshkë mbi leqet e pyllit që bleron

Ato buzëqeshje
le të përpëliten leqet e shpirtit si në qiellin kaltëror
e
thinjat e  bardha le t’i ngërrhatë jeta në kohë
Stinët
ikin me turravrapin e munguar si akrepat në orë
Le të mbeten
varur mbi gozhdën e shekullit lart e poshtë

Të mos harrojmë
hapin e parë
që hodhëm në atë prag të lashtë
ta ruajmë si Dhiatën e Vjetër te kujtimi
..si gurin e vatrës stërgjyshore që na ndez një mall
Një bekim i shtrenjtë vëllazërimi..

     9  M@j 2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë