E mërkurë, 18 nëntor 2026

Rubrikat

Mbështet Limit.al

NË ATDHEUN E POPULLIT TË LEPUJVE – Nga Rexhep SHAHU

Në atdheun e popullit të lepujve
Ku lepujt nuk vrapojnë dot në të përpjetë se lodhen
E as në të teposhtë se këmbët e para i kanë më të shkurtra
E fshihen në ferra kur ndiqen prej zagarëve me dy këmbë
Që i vrasin me pushkë pa zë ose i shqyejnë me dhëmbë;

Në këtë atdhe është e vështirë të jesh gjallë
E vështirë të jesh lepur e të rrish fshehur në ferrë
Se gjahtarët tinzarë ferrat vetë i kanë mbjellë
E në ferrat e tyre me lejen e tyre fshehur mund të rrish
Të jetosh i fshehur e të këndosh pa zë për lirinë
Per lirinë me kusht – kjo liri lejohet prej gjahtarëve e zagarëve
Zotër të atdheut të lepujve
Që shesin bukë e ujë, etje e uri
Që shesin dëftesa virgjërie, nderi e lirie
Këtu nuk fitohet ndryshe liria;

Gjaku i lepujve nuk bën për ta shkruar lirinë
Lepujt nuk dinë të derdhin gjak për lirinë
Lepujt nuk kanë gjak në damarë por ujë të kuq;

Në atdheun e popullit të lepujve
Nuk ka vend për të gjithë
Po qe lepur i egër ose do të vritesh ose do të bëhesh i butë
Si mut…

______________

*Rexhep Shahu është kryeredaktor i revistës letrare “Illz” – revistë letrare e Tiranës, poet, gazetar e studiues nga Kukësi, me banim në Tiranë. Autor i disa librave: “Mali i hënës”. Poezi. Botimet Koha. Tiranë, 1998); “Bregu i brengës”. Poezi. Botimet “Dy Drinat”. Prizren. 2000; “Misioni për Paqen”. Botimet “Dy Drina”. Kukës. 2003; “Marsii minave”. Albapaper. Tiranë, 2006; “Lis i vetëm në fushë”. Poezi. Albesing. 2012; “Apologji për Udhën e Kombit”. Botimet Geer. Tiranë, 2012; “Qyteti i lutjeve”. Poezi. Adonis. Tiranë, 2014; “Bukën tonë të përditshme…”. Publicistikë. Adonis. Durrës, 2014; “Sytë e lirisë” – monografi për heroin Ismail Raka). Adonis. 2014; “Shpirti i lirë i Lumës-Shkrimtarët për Havzi Nelën” (përgaditës). Klubi i Poezisë. Tiranë, 2018; “Bisedë e përfytyruar me Havzi Nelën”. Klubi i Poezië. Tiranë, 2019; etj. (Theksojmë se titulli i poezisë së tij të botuar në “Gazeta e Alpeve” është redaksional)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë