E mërkurë, 18 nëntor 2026

Rubrikat

Mbështet Limit.al

Ndryshim – Nga Namik SELMANI – Boston – Amerikë

Shumë herë më ke bërë llafazan si kusi e tejmbushur/
Kur shportat mbushen dinagaz me simbole, metafora.
Vargjet më bëhen si gërsheti i vajzave, i thurur.
A si krua ku uji natë në çdo stinë rri curguar.

Para teje kthehem në një kërkimtar duardridhur.
Tek të ftoj në shenjtërimin e lutjes zëëmbël.
Oh, besomë, e vërteta ime nuk është e lidhur
Thuamë se në këto ditë nuk qënkam në ëndërr.

Dhe marr një vals vetmitar në ritmimin e gjetheve
Në sytë e çuditur të kalimtarëve që nxitojnë.
Në tabanët e këpucëve të mia ndalen detet.
Në ballin e djersitur xixëllonjat xixojnë.

Dhe futem mes simfonisë së vargut me aromë shpirti.
Me pengun e fjalës që s’i thotë të gjitha.
Fjala më bëhet si lëmshi që i ngatërrohet filli
Mes buzëqeshjes tënde kërkon muzgun, ditën, agimin.

Para teje bëhem memec i fjalës së pathënë.
Edhe pse kam qenë për të bujk i papërtuar.
Se ti qënkë një kala e fortë, hijerëndë.
Ku ngjitesh qoftë dhe me dorë të gjakuar.

Më vjen trilli për të ta shkruar emrin në trungje.
Po ligji, ah., ligji i fortë ma ndalon dorën.
E provoj më tej që ta vë si lule mes buze.
Për t’i dhënë çdo ditë e çdo çasti kurorën.

E më vjen ta shkruaj emrin në shtëllunga resh.
Lart, lart, ky syri bëhet në kohë lakmitar.
Fshihem pas fletës a fluturoj krahëshpejtë.
Të sfidoj dhe shpejtësinë e zërit nga larg.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë