Nga Namik Selmani
Po më pret Mirditë e Shkronjës
Të marr palët e kurorës.
E mërkurë, 18 nëntor 2026
Nga Namik Selmani
Po më pret Mirditë e Shkronjës
Të marr palët e kurorës.
Ta bëj emrën gur Bukmire
Ta bëj hapin dritë drite.
Më pret fjalë e mencuruar
Mal më mal filiz i shtuar
Gemb më gemb zgjohet burimi
Tel më tel zgjohet kushtrimi.
Marr në krahë ëndrrën martire
Plumbat bëhen dritë lirie
E mbjell lulen në murranë.
Zgjoj kah motesh Kapedanë
Dëgjoj zanin e Ndrecë Gjokës
N’prag t’kasolles po zgjoj shkollën
Kur të dalë në maja dielli
E baj zemrën bash si qielli.
Prag më prag prek andrën shqipe
Me Gjokë Becin, Bacë Mirdite
Kapedan mes vargjesh thurur
Ta kam borxh fjalën e bukur!
O Mirditë, o dritë bajraku
Gur më gur lumnoka pragu.
Ku gurron mes lisash kroni
Po piskon Shtjefën Gjeçovi.
Po piskon martinë e fjalës
Ndë Orosh si palë e dallgës.
Te një shkëmb ku vjen shqiponja
Te Mirdita ballëkurora.
Në kuvende baj pajtimin
Në altar e bekoj birin.
Dhe me dhëmbë piskoj këmbanën
Besë e trollit ma than plagën.
Boston, 13 shtator 2018
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

