E mërkurë, 18 nëntor 2026

Rubrikat

Mbështet Limit.al

MENDJEMPREHTI (Kushtuar Prof. Dr. Simë Dobrecit ) – Nga Neki Lulaj

Ishe dhe do ngelesh dritë e pasosur
Në Panteonin tonë kombëtar
Me rrënjë të thella urtësije stamposur.
Në Shestan, Ulqin dhe tej, në Ulpianë

Dikur e dhe para Kosovës “Betimin e Hipokratit“
E mbeti kurdoherë fjala jote urë mirësije.
Puna jote e vyer i ngjan majës më të lartë të malit
Fjala për ty shkulmon në shkolla si det pavdekësie.

Hej, mos u shoftë kujtimi i mallit Simë Dobreci
Mbete bash gjerdan i pashtjerrur i shqiptarisë
Një copë jetë e le në Dardani brez pas brezi
Një copë tjetër e le në Shestan dhe Ulqin.

Kurrë s`do t`na shterrojnë krojet e mallit
E dielli i prushtë qënka sot si furrë qershori
Ngjitet si re mbi Pinjesh si burrat majë malit.
E Ti jeton sërish me Biblën e heshtjes në dorë.

Në rrënjët e ullinjve more bekimin e shenjtëruar
Atje buzë liqenit të Shkodrës ku nimfat lahen.
E hëna nusërore ta puth ballin e fisnikëruar.
Duke mbajtur fort strajcën ku shihen ngjyra Parajse

Tehu i dhimbjes buzëqeshjen për besë ma ka ngrirë
Por qëndro krenar në kujtesë e në amëshim.
Se ti ia ngrite vetes shtatorën e pavdekësisë.
Ngelur thellë nëpër brezat që në këtë tokë vijnë.

Speyer 20 qershor 2020

Poeti Neki Lulaj dhe Prof Dr. Simë Dobreci

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë