E mërkurë, 18 nëntor 2026

Rubrikat

Mbështet Limit.al

“Lonely Planet” promovon Shqipërinë. Publikon guidën me 272 faqe

“Lonely Planet” spanjoll ka publikuar për herë të parë një guidë të plotë për Shqipërinë, plot 272 faqe.

Rreth dy vite më parë ishte divizioni Italian që bënte të njëjtën gjë. “Lonely Planet” vlerësohet gjerësisht si guida numër një turistike në botë, sidomos për turizmin aventurier. Përfshirja e Shqipërisë në destinacionet e këshilluara nga guida është një reklamë mjaft e mirë për turizmin shqiptar. Publikimit të guidës për Shqipërinë në ditët e para të Marsit i ka bërë jehonë edhe e përditshmja e dytë me e madhe e Spanjës, “El Pais”. “Shqipëria, sekreti i fundit i Europës”, e titullon e përditshmja shkrimin për vendin tonë bazuar në guidën e “Lonely Planet”. Mes rreshtave thuhet se Shqipëria, për shkak të së shkuarës së gjatë në diktaturë ka qenë gjithmonë joshëse për spanjollët, dhe se tashmë ka ardhur momenti për ta eksploruar.

“Zbulimi më befasues është vija bregdetare prej 400 kilometrash ku rëra e Adriatikut bashkohet me gurët e plazheve të Jonit”-thuhet në shkrim. “Lonely planet” këshillon destinacione të shumta në Shqipëri, duke filluar prej kryeqytetit, Tiranës, ku thotë nuk duket si çdo kryeqytet tjetër europian dhe i shpëton çdo kategorie ose përkufizimi, një qytet ku jeta rrjedh pareshtur, si në trafikun e dendur të qendrës, ashtu edhe në pazar apo në xhami gjatë namazit të pasdites. Berati, Gjirokastra, Shkodra, Komani, Butrinti, Riviera, Kruja, apo Bjeshkët e Namuna, janë të gjitha destinacione të cilat rekomandohen nga “Lonely Planet”, të detajuara në guidën e plotë.

https://www.lonelyplanet.com/albania

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë