E mërkurë, 18 nëntor 2026

Rubrikat

Mbështet Limit.al

LIS MALËSIE – Nga Bardh M. Nengurra

(Kushtue poetit shtatkreshnik të Malësisë së Gjakovës
Bacës Shaban Bali Nokshiqi)

Nuk di kur me dukesh ma kreshnik
o burri i Malësisë!
Kur me peshen e nji shekulli jetë
Bart lehtësisht histori vujtjesh
Dhe gjithmonë mban shtatin drejtë
Po si shtizë flamuri pa u përkulë kurrë
Apo kur të shoh në këtë fotografi ulun,
me buzëqeshjen shenjtnore
Kur çmallesh me ajrin e pastër
Te Malësisë tande…

Vërtetë me ven në siklet Baca Shaban
Sepse sado që zemra dikton vargje
unë ato nuk di ti shkruej, kam drojë
se vogëlsia ime nuk din të flasë
për nji Malësor, për nji burrë të Atdheut
per nji Lis ,që s`ka stuhi që ja lekund shtatin…

O Shaban Balia, po ku je o burrë
Pse nuk po qetësohesh asnjiherë
Por je gjithmonë mes nesh,
Mes familjarve e miqve,
i fortë si gur graniti
Qe si duket e bartën të parët e tu
atje nga ku ty të dhemb shpirti
nga Nokshiqi i rranjve tua

Po ai rrip që ta shtërngon belin,
këtu e 74 vite
A ta hjek mallin e vëllaut
Qe jeten ja fali Dardanisë,
tu ra prè e mortajës së sllavit
E Ti Bacë Shaban me the se kurrë
se ke hjek nga beli
sepse e ndjen si përqafim nga vllau

Dhe ato vargje tuat që janë perla
përplot lirikë e art 
Ku po i gjen o Shaban Nokshiqi
Ç`budalla që jam unë me pyetjen…
Po kush ka gjeografinë
Ma të gjanë se Ti o bac
Nga Nokshiqi nëpër Tropojë
tutje në Dardani e deri te Molla e Kuqe
Vargëzon kandshëm muza e jote
Gjithmonë për Atdhe
Vargu jot forcon zemrat e Luftëtarve

jep kurajo
pasardhësve

se neve kemi
nji Atdhe që quhet SHQIPNI…

14.1 0. 2017

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë