Ndërsa rritja e çmimeve të fluturimeve po i bën të vështirë udhëtimet në distanca të gjata për shumë njerëz, destinacionet po bëjnë gjithçka që munden për të inkurajuar vizitorët të vijnë dhe të nxisin ekonomitë e tyre.
I fundit është Tajvani, i cili planifikon t’u ofrojë turistëve 165 dollarë secili për të pushuar atje. Shpërblime në para do t’u ofrohen gjithashtu grupeve turistike për t’i inkurajuar ata të vizitojnë ishullin.
Kryeministri i Tajvanit Chen Chien-jen njoftoi të enjten se qeveria synon të tërheqë gjashtë milionë turistë në vitin 2023, duke e dyfishuar këtë shifër në vitin 2024 dhe duke synuar 10 milionë vizitorë deri në vitin 2025.



