Cikël i shkurtër poetik nga Lulzim Logu
KURRË FUNDI…
- Tanka –
Si ta ruaj kujtim
E mërkurë, 18 nëntor 2026
Cikël i shkurtër poetik nga Lulzim Logu
KURRË FUNDI…
Si ta ruaj kujtim
Portretin tënd
Brof mëngjesi
Pa mbyllur sytë
Vonohet dielli…
…
Papritur ika
Vjeshta atherë ish
Dhjetë vjet më pas
Kur kthehem vetëm
Shiu në vënd teje…
…
Shkolla e vjetër
U shëmb së fundi
Poshtë fletoresh
Të zverdhura,
Palohet historia…
…
Vdes të jem
Aq i ri
Sa të mësoj,
Të mos i trembem
Kurrë
Vdekjes…
…
Vdes të jem
Aq i gjallë
Sa të mësoj
Të mos e shaj
Kurrë
Jetën…
…
Vdes të jem
Prapë i dashuruar
Si atherë
Të harroj përgjithmonë
Vdekjen…
…
Bie pëllumb i egër
Nga dega e tharë
Mbi gjethen e fundit
Akoma të gjelbër
Dhe rrëzon verën…
…
Pylli i kuq
I fundvjeshtës
Si fletore harruar,
Prej fëminie
Ku zverdhen kujtimet…
…
Shqipe e vogël
Ra prej shkëmbit
Dha shpirt shpejt
Me sy hapur
Me qiell në sqep…
…
Mes buzëve tona
Krejt të kallura,
Prush i puthjes,
Djeg pa nda,
Urën e vazhdimit…
…
Fyelli i Tanushës
Jehon herët në brigje
Në tumat e Bujanit
Rrëzohet një gjethe
E vajzërisë…
…
Teli i çiftelisë
Ndihet nga larg
Kuajt e Bujanit
Fërgëllojnë si shenjë
E rritjes së burrit…
…
Në telin e rrobave
Të së dielës
Varur një rrobë dalëboje
Ku akoma flë
Zogu që s’ka lindur…
…
Mic Sokoli në statujë
Tashmë i plakur
E bën më të vertetë
Aktin e rrëfyer
Dikur me tepri…
…
Ku je a thua
Qielli s’përgjigjet
Vetëm shiu vjen
Të zbusë sadopak
Dhimbjen time…
…
Kjo natë pafund
Ka një hënë të madhe
Dhe një yll gjithashtu
Se ndërroj me ditën
Këtë cope verë…
…
Shkove dikur
Për tu kthyer
Një arkë e vogël me hi
E ruaj çuditërisht
Pa shpërndarë…
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

