E mërkurë, 18 nëntor 2026

Rubrikat

Mbështet Limit.al

Përurohet në Kubë muzeu kushtuar Ernest Hemingway

Në Havanë, Kubë, u përurua muzeu kushtuar Ernest Hemingway. Memoriali kushtuar shkrimtarit amerikan të Kubës ante litteram, njeriu i madh i letrave i cili jetoi aty në vitet ’40 dhe ’50 të shekullit të kaluar, u përurua këtë fundjavë.

Ky është një ndër frytet më të rëndësishme pas rivendosjes së marrëdhënieve mes dy vendeve, edhe pse konkretizohet vetëm sot.

I ndërtuar aty ku ndodhej shtëpia e vjetër e shkrimtarit, muzeu kushtuar autorit të “Lamtumirë armë” dhe “Plaku dhe Deti” kushtoi 2,1 milionë dollarë (pak më shumë se 1 milion euro) dhe është fryt i një joint venture mes Finca Vigía Foundation në Boston dhe Këshillit Kombëtar për Pasuri Kulturore të Kubës.

Ndërtimi i tij nisi në vitin 2016. Në të ndodhen shumë sende të cilat i përkisnin shkrimtarit, ndër të cilat 9 mijë libra, 10 mijë letra e 5 mijë fotografi, si dhe shumë kujtime të tjera, ndër to edhe trofetë në gjueti. Të gjitha këto shoqërohen me teknologjitë më të përparuara për mirëmbajtjen dhe ruajtjen e objekteve të tilla delikate nga klima e nxehtë dhe e lagësht e tropikut.

“Ky muze që po përurojmë është i vetmi në Kubë me këto teknologji – tha drejtuesja e tij, Greisell Franga, – falë të cilave do të mund të ruajmë pasurinë që na ka lënë trashëgimi Heminway në vendin tonë”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë