E mërkurë, 18 nëntor 2026

Rubrikat

Mbështet Limit.al

Interesi – Satirike nga Sevdail Hyseni

Interesi

Një lajkatar

Kryekëput mercenar

Seç e bëri mendjen top

Për t’kërcyer hopa-hop

Pa e matur hapin mirë

Në këtë botë të vështirë

Lajkatari

Mercenari

U mashtrua pa vënë re

Sa hodh hapin gjithë hare,

S’i vajti mendja e shkretë:

Nami-nam s’arrihet lehtë

Lajkatari

Tip qyqari

E ka syrin vëlla me detin

Nuk e ngopi kurrë të shkretin

Ndaj lakmia për më shumë

Nuk e lë të bëjë as gjumë

Lajkatari

Kokëkulari

T’i ndërroj postet s’e pat zor

Nga ministri në drejtor

Krejt me rend sikur atë botë

Pa lëshuar pe as sot

Lajkatari

Vesh gomari

Deri n’tokë di t’përkulet

Gju më gju me popull ulet

Hiç pa turp e sheh, o Zot

Shtiret n’popull patriot!

Lajkatari

Turizagari

Sjellja e tij: krejt trishtim

Që ka vetëm një qëllim

T’i ngre vetes në bregore

Për së gjalli përmendore!

Sevdail Hyseni

(Karikatura marrë nga interneti)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë