E mërkurë, 18 nëntor 2026

Rubrikat

Mbështet Limit.al

IDIOTI – Nga Agim DESKU – Kosovë

Pesë shekuj e kërkoj fajësinë apo pafajësinë e fjalës
Dhe vargun që na bashkon për jetë të jetëve
Se nuk mbetëm as sa Kopshti i Edenit
Dhe s’ju kemi lenë vend për t’u rikthyer sërish Promethetë

S’ka të bëj me Idiotin e Pushkinit
Kemi edhe na idiotët tonë
Një ndër më të rriturit jam unē
Pse e rujta fjalën e dhënë faqeve të historisë
Deri sa ajo iku dhe u ba det bajlozësh

Pesë shekuj e kam mbrojtë diellin
Kurrë nuk u mora me veten time
Kisha mendue se s’do humbim Promethetë

Pranova të vetëvritem se sa detit t’ia lejoja Bajlozët
Së bashku me brezat u lindem betejave
Emrin e shqipeve e krijuem mbi fjalën e dhënë

Pse e mbytëm tradhtinë ndoshta u bëmë fajtor
Edhe diellit ia morëm gjumin pa e lenë
në harresën e ngrohtësisë së trëndafilave

Fal kohës se Gjergjit e mbijetuam jetën
Së bashku me muzeumet evropiane
Aty ku i njihet lindja popullit tim para edhe vetë Krishtìt

Nuk është toka as deti fajtor
Pse e falin secili që bëhet perandor
Ndoshta më fajtori jam unë
Kur që pesë shekuj po kërkoj vargun
që i duhet Shqipërisë sime

E si ta gjëj këtë fjalë
Kur sapo lindin heronjtē
Po vdesin bashkë me ëndrrat e lirisë

Si të doni më merrni për idiot
Pse fytyra ime nuk i takoj askujt
përpos dritës se diellit

Vetëm në simfonitë e dhembjes titanikiane po qëndroj
Nëse i gjej fjalët
Që s’ma lenë të ndarë
Kurrë më atdheun

10 prill 2020 @gim DESKU

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë