E mërkurë, 18 nëntor 2026

Rubrikat

Mbështet Limit.al

GURI MURG

…!

Guri Murg = Përmëndore
Për Merturin është lavdi
Kështjellë për “dragoinjt”
Shton fletë në histori….
…!           

Nga Gjon Ndue Markokaj

Bijtë e shqipes s’i mbajnë “çallmat”
Lisat u përulën,pylli filloi t’rënkojë
Turqit, kërkojnë nizâmë e lypin armët
Zogjtë ulen kokën e s’po këndojnë…,

Ato, “t’malit” njoftojnë djelmninë
Toka e Shqipës s’i pranon turqit!
I njoftuen “dragoinjt” n’male
Bijtë e Shqipës i ngjeshën armët

“Gjëmoi bjeshka, gjëmoi vrrini”
U ngriten trimat e Merturit:
T’udhëhequr prej Mân Avdisë
Sadik Gjergjit, Prel Tulit e Deli Tahirit

Guri Murg, turqvet u çon fjalë:
Këtej s’kaloni, s’shkoni n’ Shalë
N’Shkoder s’bini pa u farue krejt
“Dragoinjt” s’u lëshojnë t’gjallë!

Me njimijë nëndëqind e dhjetë:
Gurin Murg e mbrojnë “dragoinjt”
Dallkë e madhe n’vrri e n’bjeshkë
Luftojnë trimat e Merturit…

Rreth e rrotull, Gurit Murg
Fërshëllejnë krizmat e armevet
Gjëmojnë malet në t’katër anë
Mërtursit s’dorëzohen përsëgjallit

Shtreziqja i përcillte:
Piskamë e murmurimtë
Gjer n’ Gurin e Fushes Madhe
Turqit u bënë: “pikë e pësë”
Bjeshkës Kaponit e Karronit

“Ora e Mërturit”, i vigjëlonte:
S’i dorëzon Merturi armët!
Jânë trima e vala s’i përvëlon
Ata lufta kurrë s’i mposht!

Guri Murg – kala barutit
Qënder mbrojtje fortesë gurit
Luftojnë trimat e Merturit
Shkëmbi është djepi që i rriti.

Hera e parë për Dergutin
Që gjindej në gjëndje t’tillë
Mërturi e shtangu n’vënd
Këtej s’kaloni asnji i gjallë!

Erdhen n’ndihem Shosh e Shalë
Me prijës: Mehmet Shpëndin
Qun Nikën e Marash Delinë
Ushtrisë Pashës ja prenë hovin
E këthyen mbrapa “me bisht ndershalë”

Guri murg “zëmra” e Merturit
Për shqiptarët u bë fortesë
Prej armiqvet ai s’kapercehet
As rrufeja s’e shkërmoqë!…

Guri Murg = Përmëndore
Për Merturin është lavdi
Kështjellë për “dragoinjt”
Shton fletë në histori….
./.

-Nga libri “Shkëmbi është djepi që më rriti”-

  (Per Limit.al Prill 2020)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë