E mërkurë, 18 nëntor 2026

Rubrikat

Mbështet Limit.al

Gratë e Pushteteve

Nga Hamit Aliaj – Mjeshtër i Madh

Vdekjet s’janë bërë për bukurinë e Helenës,
As për nderin e humbur të akenjve,

Dhjetë vjet ,sa zgjati rrethimi i Trojës
Helena plakej në shtretërit e epshit trojan,
Ndërsa në çadrat e ushtrisë në fushëtirat rreth Trojës,
Epidemitë bënin kërdinë
Dhe burrat që luftonin për nderin e humbur
Agamemnoni,Akili e të tjerë,
Ia rrëmbenin njëri-tjetrit skllavet e çadrave të epshit,
Ndoshta më të bukura se Helena,

Po Helena ish grua e Menelaut,
Dhe Menelau ish pushtetari i egër,
Jetët u dhanë për gruan e Menelaut:
Akili me vdekjen në thembër,per këtë u vra,
(Çfarë dëmi homerik)!
Dhe Agamemnoni flijoi të bijën para nisjes për në Trojë,
(Për gruan e Menelaut),
Bash për këtë edhe Odiseu,
Pas njëzet vjetësh u kthye në Itakë
Dhe gjeti një plakë: gruan e vet Penelopë,
E rreth mureve të Trojës edhe sot
Tërhiqet zvarrë trupi i Hektorit të vrarë,

Dyqind lufta më vonë , Homeri shkroi Iliadën
Ku lexohen vdekjet e mëdha
E për këtë ia nxorën sytë….

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë