E mërkurë, 18 nëntor 2026

Rubrikat

Mbështet Limit.al

GJYSH, TA FALA MËKATIN – Nga Isa Maloku

U burrërove, të thanë!
pushkën ta dhanë,
qite hollë,
e vrave xhandarin kolonë
në tokën tonë.

gurë mbi gurë
kullën e ndërtove
me frëngji e dritë hënë
çerdhe shqiponjash e bënë.

feneri me vajguri
shndriste oxhakun
netëve të dimrit
kur shndriste konakun!

në pranverë,
gjyshja u printe qeve,
ti gjysh hapje hulli parmende
në tokën tënde.

atëherë, nëna ime
hidhte kokrra fare
kur e morët nuse
trembëdhjetë vjeçare.

nuk luajti me lodra
as vello nuk pati
i ruante kuajt
në faqe shpati.

ishte kohë e thatë
ndër vite e stinë
me rini të prerë
nëna, e mbushi shtëpinë!

sot, gjysh i dashur
ta fali mëkatin
që i rrite n’shtëpi
dy prindërit e mi!

po vuaj për ta
ndiej mall për ty!
u rrita e po mplakëm
pa t’parë me sy!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë