E mërkurë, 18 nëntor 2026

Rubrikat

Mbështet Limit.al

Flaka e shpirtit

Nga Nikollë Loka

Një re e zezë
ik prej perëndimit të diellit,
perëndimit të skuqur,
në qiellin pakufi…
Nën këtë qiell vjeshtak
në prag të dimrit,
pritëm një shqipe të vijë.

Për pesëqind vjet
shpresa
na u kthye në gur,
në gurin
që na rëndonte në votër.
Prushi i skuqur
u kthye në flamur
dhe flaka
shqipe me flatra.

U ngjit ajo flakë
në qiell me vetëtimat,
pastaj ra në tokë si rrufe.
Ndër beteja,
ku jetën e dhanë trimat,
shqipet i ngritën foletë.

Sa shumë rrufe
ranë mbi gurin e votrës,
po zjarri s’u shua kurrë.
E flaka e shpirtit
ishte nisur drejt Vlorës,
të valëvonte madhërisht
në flamur.

Flakë e shpirtit
na u bënë
shqipet ndër male.
Në prush na u kthye mishi
dhe gjaku.
Nuk vdes Atdheu!
Nuk vritet guri!

Nuk shembet mali!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë