E mërkurë, 18 nëntor 2026

Rubrikat

Mbështet Limit.al

Filmi “Hunter Killer” ndalohet të shfaqet në kinematë ruse dhe ukrainase

Dalja nëpër kinema e një filmi aksion të “Hollywood”-it, në të cilin ushtarët amerikanë shpëtojnë një president rus gjatë një përpjekjeje për grusht shteti, është shtyrë në mënyrë misterioze në Rusi dhe Ukrainë, me raporte që sugjerojnë se shfaqja e tij mund të jetë ndaluar për shkak të përmbajtjes.

I dalë në kinematë amerikane javën e shkuar, “Hunter Killer” është një “thriller” në të cilin shfaqet Gerard Butler, si kapiteni i një nëndetëseje amerikane, që përpiqet të parandalojë Luftën e Tretë Botërore, pasi presidenti rus është marrë peng nga ministri i tij i Mbrojtjes.

Filmi mblodhi një shumë modeste prej 6.7 milionë dollarësh në fundjavën e parë të tij nëpër kinema. Në Rusi, filmi duhej të fillonte të shfaqej të enjten, por kinematë anuluan papritur agjendën, duke cituar rrethana përtej fuqive të tyre.

Kritikë të Kremlinit thonë se filmi po bllokohet nga qeveria, për shkak se ai sugjeron një mundësi qoftë edhe imagjinare, që presidenti Vladimir Putin mund të rrëzohet.

Filmi nuk po shfaqet as në Ukrainë, por këtu arsyet mund të jenë të kundërta. Ukraina e konsideron Rusinë një vend agresor, që mbështet rebelimin në rajonet e saj lindore. Filmi, ndërkohë, flet për një nëndetëse amerikane që përpiqet të shpëtojë një udhëheqës të mirë rus, fabul kjo jo fort e pëlqyer nga Kievi.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë