E mërkurë, 18 nëntor 2026

Rubrikat

Mbështet Limit.al

Filmat “1917” dhe “Once Upon a Time…in Hollywood” marrin më shumë vlerësime në “Golden Globes”

Filmat “1917” dhe “Once Upon a Time…in Hollywood” morën vlerësimet kryesore në ndarjen e Çmimeve Golden Globes në edicionin e 77 që u zhvillua në qytetin Los Angeles të dielën. Këto vlerësime zakonisht shihen si barometër në përspektivën e marrjes së Çmimit të Akademisë që zhvillohet muajin që vjen.

Historia marramendëse nga Lufta e Parë Botërore e titulluar “1917” nga regjisori britanik Sam Mendes dhe studio e filmit “Universal Picture” u vlerësua si filmi më i mirë në kategorinë e dramës. Fabula e regjisorit

Quentin Tarantino me titull “Once Upon a Time…in Hollywood” mori vlerësimin si filmi më i mirë në kategorinë e komedisë.

Filmi i regjisorit të famshëm Martin Scorcese “The Irishman” me aktorët e njohur Rober De Niro dhe Al Paçino nuk arriti të rrëmbënte ndonjë top të artë në ceremoninë e së dielës. Laura Dern u vlerësua në kategorinë e aktores së dytë në rolin e një avokateje për divorcet në filmin “Marriage Story” duke tejkaluar Jennifer Lopez e cila konkuronte në të njëjtën kategori me filmin “Hustlers”.

Filmi “1917”, i cili del në kinema këtë të premte, i dhuroi fitore britanikut Sam Mendes në kategorinë e regjisorit më të mirë. Ngjarja portretizon dy ushtarë britanikë përgjatë llogoreve të Luftës së Parë Botërore.

“Once Upon a Time..in Hollywood”, një ngjarje që zhvillohet gjatë një fundjave në muajin shkurt në Hollywood dhe që ka për qëllim të shtjellojë dinamikën e industrisë së filmit dhe jetës në kryeqytetin e filmit fitoi në kategorinë e filmit më të mirë në zheanrin e komedisë. Brad Pitt mori çmimin si aktori më i mirë në rol mbështetës.

Joaquin Phoenix në rolin e personazhit “Joker” në filmin me të njëjtin titull dhe Renee Zellweger në rolin e Judy Garland në filmin “Judy” u vlerësin si aktorët më të mirë në zheanrin e filmave dramatikë.

Taron Egerton me filmin “Rocketman” dhe Awkwafina me filmin “The Farewell” u nderuan në fushën e komedisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë