E mërkurë, 18 nëntor 2026

Rubrikat

Mbështet Limit.al

EMRI JETËPËRTËRITËS

(Iu dua sa gjithësinë o nënat e fshatit tim.)

Nga Ndue LLESHAJ

Atje
përditë
kacafytej
jeta me skamjen
se kodrat qenë të thata
e, prej kohësh terrtonte nata.

Ama
me thonj
me dhëmbë
jetën e mbajtën në këmbë
e nuk shterroi.

Aleatët,
male përqark,
nga moti në mot
e sajdisnin me dhurata
si zana, zana mali,
lule e flutura
sojnike,
punëtore,
të pastra e të bukura.

Ata
fruta dhanë,
fruta të shëndosha mbushur me farë,
ndaj jeta kurrë s’shterroi
ringjallej pandarë.

Jeta,
që s’ shterroi
s’i përfilli dimrat
shpërtheu, sythëzoi
e i rinoi breza.

Breat
përparuan
ngado që shkuan.

E,
brez pas brezi,
zanat, lulet a fluturat
që jetën rinuan
u falëndruan
u nderuan
u respektuan
aq sa u hieshuan
e hieshimi shkëlqim dha,
shkëlqim diellor e përarim hënor,
sa kujtdo në kujtesë i ra
emri jetëpëtrirës
emrin hyjnor
nënë.
Emri nënë,
që,
çdo vend,
si vendin ti,
a, sado i vështirë
e bën të begatë
e bën të mirë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë