E mërkurë, 18 nëntor 2026

Rubrikat

Mbështet Limit.al

EJA O NATË – Nga Zenun HYSENUKAJ

Nëse do mundja ta kafshoja tërë tokën
Do t’ia ndija shijen
Do të isha një çast më i lumturi
Por jo gjithmonë dua të jem i lumtur.

Nganjëherë
është e nevojshme
Të jesh i hidhëruar
Për të qenë më i natyrshëm

Eja o natë e na përkund
Eja e na ngushëllo
Na puth mbi ballë
Aq sa të mos e kuptojmë
Puthjen tënde të lehtë.

Ta ndjejmë ndryshimin në shpirtë
Si dhe një dënesë
Që vjen mistershëm
Nga hershmëria
Ku i kan rrënjët këto pemë mrekullishë
Frutat e të cilave
Janë ëndrrat
Që dashurojnë me ankth !

Eja pafundësisht soleme
Me dëshirën e fshehtë
Për të qarë e prekur thellë
Sepse i madh është shpirti
Po sa e vogël bota
Arrijmë deri aty
Ku veç arrinë krahu ynë
E shohim aq sa na shohin sytë

Eja nga thellësitë e horizontit
Eja e merrëm mua
Nga plogështia ku marr frymë
Nga trualli i shqetësimeve
I jetës plot tepëri
Të ndjenjave të rreme
Mes të cilave
Kam mbirë

TIRANË 29 Mars 2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë