E mërkurë, 18 nëntor 2026

Rubrikat

Mbështet Limit.al

Dy poezi nga Tahir Bezhani

VARGJE FESTIVE

                       Gëzuar!

                       Zgjate dorën, cakërro gotën

                       Ti andej bjeshkëve  tretur

                       Unë këndej, zhytur në lumë etje

                      Mendimet  valëviten oqeaneve

                       Përmes  lotëve n ‘vetmi protestojnë

                       Kur dallgët çmenden n ‘dashuri

                      Të përqafoj ty…

                      Zgjate dorën nga larg, ”gëzuar Viti i Ri!…”

​  Dielli i natës po tretet  zorshëm

                     Si i dehur eci rrugëve të vrarë ëndrrash

                    Pikas shikimin në fytyrën tënde,

                     Përqafimeve përmallshëm përkundet jeta

                     Atje, përtej bjeshkëve të djegura

                     Ngulfatet gëzimi

                     Gëzuar! Gëzuar!

                     Zgjate dorën

                     Dua të vdes në përqafime sonte!…

                       DYZEN KRISMASH FESTIME

                       Ecni u fola këmbëve pas mesnatës

                        Dhimbjeve ua ktheva shpinën,

                       Të strehuara brenda ashtit u shtrinë

                       Rrugëve të qytetit nuhas copa fishekzjarrësh

                        Të tërbuara nga kallje aventurierësh të çmendur

                        Të dehur nga kotësia e natës festive

                         Rrugicat kundërmonin në vjellje  helmuese

                         Asnjë qen nuk takova sokakëve

                         Kishin futë kokën kontejnerëve

                         Nga krismat  kishin emigruar maleve

                         Qielli zbukuruar me “ylber” kontrastesh

                         Alfabet i pashkruar dëshirash…..

                         E atje, atje  në veri përplasje

                        Ulërin ariu polar me dergjen e vjetër

                         Ngul dhëmbët si acar…

                         Sërish u fola hapave të mi:

                         “sa më larg nga kënaqësi e hidhur!…”

                         Vazhdova gjumin me dhimbje ashti

                         Mes  krismash festive….

         Gjakovë, Janar, 2023

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë