TË VDESËSH I DEHUR….
Ka kohë që mendohem
Ditën e natën shqetësohem
E mërkurë, 18 nëntor 2026
TË VDESËSH I DEHUR….
Ka kohë që mendohem
Ditën e natën shqetësohem
Kur më turren aq zjarrshëm sytë e tu
E në qenien time shprushin kujtime
Shikimet lënë vrima të hapura
Kullojnë lotët, përplasin ngrirjen e ashtit
Puthjet e një kohe zjarr e shkrumb
Edhe tani ende ka zjarr nën hirin e fjetur
Në shtratin e bukurisë së paharruar
Në dukje i fikur, tymon e flet me mall
Si shikimet tua që shpojnë prore
Si gacat e mbuluara që djegin shpirtin
Dëshirat rrinë në pritje gjithherë…
Eja, eja e puthëm, mos shiko e ndrojtur
Dehu ,dehu fort
S’ka gjë më të bukur se vdekja i dehur
Po të takova viza vizë me vdekjen
Pa puthjen tënde nuk iki andej
O Khajam i shkretë
Si e pive gjithë atë verë në jetë
E mbete kurrë i pa vdekur?!…
KUR NATËN NUK FLIJNË MENDIMET
Pas lodhjes së ditës
Tretur rrugëve të mundimshme të jetës
Prita i gëzuar natën që vjen me heshtjen
Me flladin e shlodhjes mashtruese, pushim bebëzave
Qeshjet e natën janë gaz i ditës së iku
Në shtratin tim shpesh jam trembur në ëndrra
Krismat të lehta binin në derën e çarë, pa rezë
Hije njerëzish pa trajta, zgërdhiheshin
Donin dhunshëm të merrnin thesarë të fshehur
Pa bërë aspak luftë me shpirtin kryeneç
Të padorëzuarin e mendimeve të mia
Që kishte kallë pesë gishtërinjtë e dorës
Për të dhënë dritë në dhomën time
Nuk di kah iku nata, kah u tret e paparë
Mbeta i uritur, nuk ia thashë dy-tre fjalë
Sillem vërdallë shtratit me dhimbjet që s’bëzajnë
Vetëm flaka e gishtërinjtë bënë dritë
Në mungesë të qirinjve të vjedhur
Sa më janë nxirë thonjtë e mishi rrjedh lëng
A ka më bukur se të jetosh me vuajtjen e vuajtjes
Luftë mes njerëzve për pasuri e karrige
A ka më fisnikëri, më thoni
Më thoni se ku ka?!….
Aktualitet
Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e GjermaniOpinione
Trazira në Europë, aty ku Perëndimi i trazuar takohet me Lindjen paqësoreAktualitet
Prishtina shtrenjton parkimin, deri në 20 Euro për një ditë në qendërAktualitet
Shqipëria dhe Kosova forcojnë bashkëpunimin për shpëtimin në maleAktualitet
Bota përballet me mungesë financimi prej 30 trilionë Eurosh

Veprimtari kulturore

