E mërkurë, 18 nëntor 2026

Rubrikat

Mbështet Limit.al

Dy poezi nga Tahir BEZHANI

Sa e lodhshme dita në ngujim virusal

Ndërsa mendimet dalin rrugëve të botës

Humbin ledhave ,brazdave të gjata, pa kthim

Pa orar e njoftim…

E një zile telefoni nga larg

Trembi kujtesën e ikur deri në qiell

E pastaj qetësohem kur zërin dëgjoj

“O ku je vëlla,o mik i mirë?!”

Ky zë më erdhi pikërisht mes leximit

Të poezisë“Flaut Vertebrash” të Majakovskit

Mes atyre vargjeve prekëse, ku zemra rrihte shpejt

Ai zë i ëmbël , mbushur mall më depërtoi thellë

Një  dridhje që njohu shpirti  i përmalluar

Atë zë gëzimi  të fshehur skutave të trupit

Tash  njëzet vite rresht….

Pastaj malli im flet vetë:

“Ku të kam o zë zemre,ku ke humbë,ku je mbështjellë

Shkoi koha e vdekja po vjen,si u harruam,ku të bëjmë vend?!”

Qeshi ,me shpresë duke thënë:”Lufta na zbrazi

“Corona virusi” ndoshta na mbush mend”

Më foli me dridhje zëri,me vajin që e ngërthen

Telefoni ra mbi tryezë, humbi dënesja e shurdhër

Në kujtesën e shtrenjtë për njëri-tjetrin…..

LAJMET E VDEKJEVE

Lajmet në mbrëmje raportojnë vdekjet

“Nga corona virusi” vdiq një plakë 7o vjeçe”

Kishte  probleme të tjera,nuk e përballoi dot

Sikur të ishte ngopur me jetën

Mbet’ kuptimi i lajmit  për të ndjerën?!…

E dikush kur dëgjoi,u rrënqeth papritur

Sytë iu lagështuan me lot,ndjeu dhimbje

Kujtesa shfletoi shpejt në librin e jetës

Vallë a mund të jetë ajo,e kam dashur shumë

Tridhjetë vite më parë , bashkëmoshatarë

Po për mua kush do ta ndjejë lajmin i pari

Kush do të qajë…

Gjakovë, Prill 2020

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë