E mërkurë, 18 nëntor 2026

Rubrikat

Mbështet Limit.al

DOLI NR.9 I REVISTËS “URAT”,BOTIM I KLUBIT TË SHKRIMTARËVE DHE ARTISTËVE TROPOJË

Nga: Tahir Bezhani

Sot doli nga shtypi  revista kulturore periodike, “Urat”, të cilën e boton Klubi i Shkrimtarëve dhe Artistëve Tropojë. Kjo revistë është edhe urë lidhëse e bashkëpunimit disavjeçar i dy klubeve letrare, atë të “Gjon N.Kazazi” nga Gjakova me atë të Tropojës. Në këtë  numër janë radhitur botimet e një numri të konsideruar  krijuesish nga mbarë trojet tona shqiptare dhe diaspora,duke e pasuruar revistën me  nga disa  lloje të gjinisë letrare, punime të dërguara nga vet autorët.

Vlen të ceket që në fillim humaniteti i Dr.  Mahmut Liles  nga Gjakova, i cili është edhe sponsor i revistës” Urat” që disa vite me radhe, dhe njëri nga dashamirët e shumtë të fjalës së bukur artistike. Njëherit, Dr. Mahmut Lila,është drejtor i revistës në fjalë, ku pasojnë: kryeredaktor, Lulëzim Logu, redaktor; Sejdi Berisha. Pason përbërja e redaksisë nga: Muharrem Kurti, Migena Arllati,Manjolla Braha, Gjon Neçaj.

Revista fillon në faqet e para me krijuesin e mirënjohur, poetin e kritikun e dëshmuar të letrave shqipe, z. Vezir Ukaj, i cili vjen për këtë numër me një cikël poezish të zgjedhura nga penda e lirizmit poetik ,mjaft të bukura. Pastaj,në radhë të revistës vjen poeti i vargjeve te lira,Gjon Neçaj, i cili  me frymën freskuese nga Alpet tona,spikatë me  vargjetë cilat  përherë  janë shprushje ndjenjash të melankolisë shpirtërore.  Servet Bytyqi ,një poet nga diaspora jonë, pasuron revistën me poezitë e tij të nivelit të lartë artistik, ku penda e tij, po e dëshmon angazhimin permanent me mbresa krenarie.

Pal Nikaj vjen me shkrimin studimor “Pesë javë në Arkivin Sekret të Vatikanit,”ku këmbëngulja studimore e autorit është aspekti historik,si pasion shkencor i z. Mark Palnikaj,gjithnjë me rezultate të dëshmuara kohore. Revista pasurohet ne vazhdim me kritikë letrare, me shkrimin e Adem Xheladinit,”E Kuqja e Qelqtë-La Rouge EN VERRE”ku bëhet fjalë për veprën e poetes Migena Arllati

Me poezi reprezentative në faqet e këtij numri të revistës “Urat” vijohet  me emrat e poetes së re, Diamira Prenga nga Athina, pastaj me Fasli Ferati, nga Klina, Maxhun Osmani i mirënjohur dhe Gëzim Ajgeraj, për të vijuar me   Azgan Berbati.

Me një cikël poezish të theksuara vjen poeti Zefi Bardhi,poezitë e të cilit padyshim se do lënë mbresë të këndshme tek lexuesit e revistës “Urat”.Vikto Gjikolaj, Muharrem Kurti, padyshim se janë krijues të mirënjohur në rrafshin kombëtarë, të cilët me poezitë e tyre,begatojnë edhe këtë radhë revistën tonë, ”Urat”. Drita Ademi,”Jam Vrastare apo hini im”,poezi te ndjeshme që zbërthejnë talentin e kësaj poeteshe me perspektivë krijuese. Grigo Jovani, Pal Neçaj,  Alfons Zenelaj, emra të njohur për lexuesin dhe dashamiret e artit poetik,të cilët me poezitë tyre,janë pasuri e letërsisë shqipe. Për këtë arsye kanë zënë vend meritor edhe në faqet e kësaj reviste prestigjioze.

Kryeredaktori i revistës “Urat” z. Lulëzim Logu, me një respekt të veçantë iu ka përkushtuar poetit të mirënjohur, fituesin e shumë shpërblimeve brenda e jashtë vendit,  të ndjerit Xhevdet Bajri, i cili iki nga kjo botë para pak ditësh.

Rubrikës së kritikës së mirëfilltë letrare i bashkëngjiten dy emra të spikatur të këtij zhanri, z. Sejdi Berisha dhe Prend Buzhala, te cilët si profesionistë, shkoqisin bërthamën e librave për të cilët bëjnë fjalë.

Sejdi Berisha trajton poezitë nga libri “Mall dhe vetmi,” botuar këto ditë, të autorit nga diaspora, z.  Sherif Bllaca. Vet titulli simbolik i këtij libri me autorin nga diaspora, nënkupton zjarrin autorial që gufon në vargun e z. Bllaca. Ndërsa z. Prend Buzhala, trajton me finesë të jashtëzakonshme poezitë nga  libri “Kohë përtej dhimbjeve” të autorit të afirmuar, Mehdi Krasniqi nga Malisheva.

Një reportazh plot dhimbje e nostalgji, radhitet në faqet e kësaj reviste, nga autori Tahir Bezhani  ,kushtuar mikut nga Shëngjini, z. Zeqir Lushaj,  i cili iki nga kjo jete para tetë muajsh. Takimi me derën e shtëpisë së mbyllur të mikut, nga autori i shkrimit, ishte një çast mjaft prekës dhe i paharruar…

Proza “Ekscedentja” e krijuesit lezhjan, Azem Baliaj, ”Ëndrra” e krijuesit e redaktorit të revistës, z Luzim Logu, thuaja se e mbyllin  këtë numër të kësaj reviste kulturo-letrare me mjaft simpati për lexuesit e artit letrarë.

Krejt në fundfaqe,lexojmë kroniken e jetës kulturore kushtuar personalitetit të kësaj ane të Malësisë së Gjakovës,Deli Metaliaj,i cili këto ditë u dekorua nga Presidenca me Dekoratën “Nderi i Kombit”,si përfaqësues dinjitozë i Ansamblit “Dardania” ndër vite dhe si bashkëthemelues i Klubit të Shkrimtarëve dhe Artistëve Tropoja

Revistës “Urat” i urojmë jetëgjatësi, ndërsa kryeredaktorit të saj, gjithsesi meritueshëm një FALENDERIM për punën e palodhshme që po e bënë tani e sa vite, vetëm e vetëm për të mbajtur të fortë shtyllat e bashkëpunimit mes krijuesve të Malësisë së Gjakovës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë