E mërkurë, 18 nëntor 2026

Rubrikat

Mbështet Limit.al

Bjeshka dhe vallja janë mbiemri ynë

Nga Pranvera Vatoci

Këto ditë një tjetër perlë e folkut dhe historisë e vendlindjes sime u shpall “Kryevepër e Trashëgimisë Kulturore Shpirtërore Kombëtare”. E pikërisht “Kcimi i bjeshkës me tupan i Tropojës”.

Kjo vepër me vlera unikale nuk është e vetmja që zbukuron e qëndron stoike prej shekujsh në Alpet tona. Atje është shtëpia e Eposit të Kreshnikëve, pikërisht aty Ajkuna qau Omerin. E lotët e saj të kristalta u bënë burim i perjetshëm per Valbonen.

Me këte rast përjetoj lumturin e sinqertë të një femije, se që fëmijë u rrita me keto valle duke imituar zanat e malit në rudinat e bjeshkës sime. Tani edhe bjeshka, edhe vallja janë mbiemri ynë.

E me kete rast mirnëjohja e falënderimi shkojnë për të gjithë ata që mundesuan e dokumentuan shkencërisht monumentimin për jetë të njërës nga vlerat më të çmuara të etnokulturës së veçantë te Malësisë së Gjakovës. I veçante ne ketë gezim ngelet profesori e valltari, koreografi e kulturologu Skënder Haklaj. Me lot e nostalgji kujtojmë, por dhe plot krenari gjithë ata breza kërcimtarësh që sot nuk jetojnë, por që mundësuan ta sjellin të pastër e unike vallen e veçantë të Tropojës. Brezat e sotëm e ata që do të pasojnë, përpos bukurisë së magjishme që na dha Zoti dhe historisë plot lavdi do të mahnisin këdo dhe me këto perla etnokulturore të pashoqe në Univers. /Poligon-al/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë