E mërkurë, 18 nëntor 2026

Rubrikat

Mbështet Limit.al

AZEM ALI MESHI SHQIPONJË N` KRESHTA GURI – Nga poeti Fran UKCAMA – Fier

Nis një këngë bilbili, por kënga i del vaje,

Se kujton një trim, një trim sokol djalë,

Se  kujton me mall djalin e Kosturrit,

Azem Ali Meshin, shqiponjë në kreshta guri.

Drini ndal udhtimin, mban nji minut zi,

 Shqiponja krenare, po loton përmbi,

 Zogjtë e bjeshkës gjith` i presin lodrat,

Nderojnë djalin trim, që doli mbi kohnat..

Ahu e lisi n` breg, pyesin ku asht vllai ynë,

Se shtatin e drejtë e kishte diell kishte synin,

 Se kishte mjaltë fjalën, shkëmb kish betimin,

N` shërbim të Atdheut, nderoi amën-fisin.

Nderoi traditat, gjysherit e ma tej,

Amë prej Kastrioteve, gjakun kishte në deje,

Triumfoi mbi jetën, presekutacionin,

U ngjit shtegut dijes, ditet e bardha rrodhën.

Shëmbull në shërbim, ku e therriste detyra,

Ishte besnik- trim, me ndjenjat si pasqyra,

I dashur, i gjendur,  mik shokëve në krah,

 Malsori vigan, një lis a një ah..

N` betejë me krimin, frikë nuk kishte hiç,

 Një ditë qershori ra në Yzberish.

Viti i trazuar, 1999, bandat levrinin kudo në Tiranë,

Azem Ali Meshi, i pari ku detyra ishte e randë.

U këput një yll, oh ky yll burrë Hasi,

Dielli u nxi, qielli në lot plasi,

Mori vesh Malsia, gjama sikur motit,

Nderime trimit, si Deshmor i Kombit..

Sa herë vijnë qershorat, sa herë piqet qershia

Hasi kujton djalin, trimin Malesia,

Kombi bën apelin:- Azem Ali Meshi,

Këtu, thotë toka, këtu thotë qielli..

Në tokë la emrin, ndrin me krenarinë,

në qiell u kthye yll, yll i bukur me shkëlqim,

Rjedhin motet, ikin, kujtimi jo kurrë ,

Azem Ali Meshi rron shqiponjë në flamur!

Fier, 15 maj 2019

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë