E mërkurë, 18 nëntor 2026

Rubrikat

Mbështet Limit.al

ATY, NË SYLBICË…

1.
Zoti e ka stanin në bjeshkën Sylbicë.
Aty ku Qielli çmallet me bukuritë.

Ku 7 liqenet janë sy të bjeshkëve.
Ku 40 kroje diellit i shuajnë etje.

Në 12 shpella të Gusanit e Gjerovicës.
Flejnë Zanat e fluturojnë Shqipet.

2.
Atje flejnë legjendet e rrijnë zgjuar ëndrrat
Atje gërsheti i çobanes trandafilon për zemrat.

Atje fëmijët i gdhendin emnat në majemale.
Kanuni i Sylbicës – yllnajë e Traditës Shqiptare.

Aty drenushat alpine bajnë festivalin e Mis-it.
Aty brezat malësorë e festojnë Ditën e Plisit.

3.
Në Sylbicë dalim me pushkë, lahutë, korita,
Hamë tamël me borë, dredhëza e boronica.
Aty gjelbërojnë bari e pishat përmbi gurë
Blegërimat e bagëtive marrin mrizë e udhë.

Krisë pushka e shpellohen arusha e harambashë…
Jehojnë kangët e kërcejnë male e zana bashkë.

Në stane jeta është e ambël, gjumi i lehtë
Aty të frymon shpirti fllad nëpër bjeshkë.

4.
Majat e maleve i rrijnë si kurorë Sylbicës
Ma i larti mal i Kosovës – maja e Gjerovicës.

E hartnojnë tri lugina, dy lugje e pesë kurrize
Ia formojnë dy kurora me bukuri magjike.

Në Sylbicë shkon nëpër gryka e qafa
Bjeshka ma e shëndetshme, ma jetëgjata.

Aty buron lumi i Sylbicës,me emnin e bjeshkës.
Dhe ia fal emnin luginës tue ra ujëkaltër në vrri.

Pllaja e Sylbicës me katër rrafshe natyrore
Iu rri Alpeve e kohnave si një mrekulli….

Ramiz LUSHAJ

Tiranë, 18 shtator 2015

Fotografia e Ramiz Lushaj

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë