E mërkurë, 18 nëntor 2026

Rubrikat

Mbështet Limit.al

ATDHEU SI PREMTIM

Mbi diellin e coptuar
në bedena,
na mallkonte gjysëmhëna.

Të premten e zezë
korbat luteshin me nge,
arbër, këtu s’keni më Atdhe!

Atdheu
kishte rënë përmbys
përmbi bedena,
ndër lumenj
rridhte gjak e ujë,

po iknin arbrit
duke mallëkuar
të premten,
atje tej i priste
dheu i huaj.

Të gjallët
po i përpinte deti,
u fshinë edhe malet
mbi Krujë,

Atdheu
veç ëndërr mbeti,
shpirt të vdekurish
dhe gjak që s’bëhej ujë.

Deti hyri në mes
Dheut dhe njerëzve,
shpirti u bë
urë përmbi det.

Andej mbet Atdheu
bregu tjetër,
zvogëluar sa varri
i të madhit Skënderbeg.

Dheu ynë
mbet në bregun tjetër,
tani duken veç malet
mbi Krujë.

Gjashtëqind vjet
me fytyrë nga lind dielli,
shpirti i Arbrit
përmbi det bëhet urë.

Autor: Nikollë Loka

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë