E mërkurë, 18 nëntor 2026

Rubrikat

Mbështet Limit.al

Anës lumenjve

Izoluar, karantinosur
Rraskapitur dhe katosur
Po vajtoj pa fund ME shpresë
Për situatën që të marr kthesë

Ku e kam e ku na mbeti
Vaj vatani mjer mileti
Pranë tv me pult në dorë
Një njeri për ashensor

Pranë sofrës duke ngrënë
Me Facebook, por i pa nxënë
Lakuriq e i dregosur
Trupi në divan i sakatosur

Çirem, digjem i vrerosur,
sakatosur, çarmatosur,
as i gjall’, as i varrosur,
pres një shenj’ e pres një dritë,
pres me vjet’ e pres me ditë,
se ç’u tera, se ç’u mpaka,
se ç’u çora, se ç’u mplaka,
larg prej kafes dhe prej punës,
As në ëndërr si afrohem Bunës

Çakërdisur, batërdisur,
përpëlitur dhe zalisur,
Ëndërroj me sy përpjetë
Koronavirusi të shkoj tatëpjetë

dhe një zë vengon nga lumi,
më buçet, më zgjon nga gjumi,
se Pipero po gatitet,
se virusi lebetitet,
se pëlcet, kërcet furtuna,
fryhet Vjosa, derdhet Buna,

se pas virusit ndriti jeta
dhe kudo gjëmon trumbeta.
ngrehuni dhe dilni,
Dilni orë e pa orë
katundar’ e punëtorë,
që nga Shkodra gjer në Vlorë!

ky ilaç e ky kushtrim
më bën djal’ e më bën trim,
më jep forc’ e më jep shpresë,
Se shumë shpejt do kemi kthesë
se pas dimrit vjen një verë,
që do kthehemi njëherë,
pranë kafeve, pranë punës,
anës Vjosës, anës Bunës.

Izoluar, karantinosur,
raskapitur e katosur,
brohoras me bes’ e shpresë,
Se virusi shpejt do të vdesë!

(Pershtatur nga Lutfi DERVISHI)

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë