E mërkurë, 18 nëntor 2026

Rubrikat

Mbështet Limit.al

AGIM HYSNI RAMADANI

Baladë nga poetja Rajmonda Maleçka – veterane e Luftës së Kosovës

Hëna e Gjilanit pik musht dëshire,
Për djalin që hënën e zbriti në tokë,
Me penel pikturoi ujëvarat ndër trille,
Tek vetmitar, bohem ikte nëpër Botë.

Shtatë vllazën e motra, nji grigjë dashurie,
Kacafyt me shkjaun n’log të burrërisë,
Hëna, vizatim i keqpërdorur fëmije,
Kërkon një shteg n’atë cep të Ilirisë.

Qielli pyet dëshirat e qashtra të luftëtarit,
Buka e premtimit thyhet në llogore,
Bataret e fitores të shkrehen te varri,
Por ti je ende në ëndrrën tënde prore.

Ende pikturon dhimbjen e fëmijës,
Që iu shterën lotët n’delirë vrastare,
Tek kosa e vdekjes kosit barin e shpresës,
Dhe dielli poetik vret virusin ndër imazhe.

“Një jetë tjetër”, preludi yt poetik
Vjen tek bashkëluftëtarët, hije vetëtimash,
Tani nuk të vret dot asnjë shkja, armik,
Tek bari i lirisë rritet rrëzë lëndinash.

Tani është vonë, duhet të fleshë, vëlla,
Por ëndrra vazhdon, në një tjetër jetë,
Ti kthehu , të lutem, kthehu vetëm pak,
Ule prap hënën në “natyrë të qetë”…

_____

Agim RAMADANI – Hero i Kosovës, ish komandant i Luftës së Koshares në Kosovë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë