E mërkurë, 18 nëntor 2026

Rubrikat

Mbështet Limit.al

2 MAJ 2022 DITA E LIBRAVE-DHURATË PËR FËMIJËT SHQIPTARË NË LUGINËN E PRESHEVËS DHE NË MALIN E ZI

Nga Rali LURA

2 Maj 2022, ditë e hënë, do të jetë Dita e Librave-Dhuratë për Fëmijë, e cila organizohet në Tiranë.

Librat-Dhuratë për Fëmijë do të ndahen me 13 maj 2022, ditë e premte, në mënyrë solemne zyrtare, në Hotel “Sirius” në Prishtinë, për fëmijët shqiptarë në Luginë e Preshevës (Kosova Lindore) dhe në Malin e Zi.

NË LUGINË-KOSOVA LINDORE (Serbia Jugore):

Në komunën e Preshevës për shkollat fillore në Preshevë, Miratoc, Rehovicë, Corraticë, Raincë, Caravajkë e Leran dhe në shkolla e mesme qytetëse “Presheva” e gjimnazin “Skënderbeu”. Në komunën e Bujanocit në shkollat fillore Bujanoc (“Naim Frashëri”), Tërnoc, Bilac, Muhoc, Lluçan (“Sami Frashëri”), Nesalcë e Zarbincë (“Skënderbeu”) dhe në shkollën e mesme qytetëse në Bujanoc. Në komunën e Medvegjës, në shkollat fillore Tupallë (“Zenel Hajdini”), Jabllanica e Epërme e Banja e Sjarinës dhe shkolla e mesme qytetëse “Nikolla Teslla” në Medvegjë.

NË MALIN E ZI:

Në komunën e Ulqinit në 4 shkolla fillore (dy në qytet dhe dy në Katërkollë e në Shtoj), dy shkolla të mesme në qytet. Në komunën e Tuzit në 4 shkolla fillore në qytet e Dinoshë, një gjimnaz në qytet. Në komunat e Plavës e Gucisë: shkollat fillore në qytetet Plavë dhe Guci, Vuthaj, në Martinaj, Vishnjevë dhe gjimnazi në Plavë. Në Komunën e Tivarit një shkollë fillore “Gj.K.Skendërbeu” në Ostros. Në komunën e Rozhajës: një shkollë fillore në Dacaj.

LIBRAT-DHURATË

Ftojmë të gjitha institucionet e larta të shtetit shqiptar (Presidenca, Kuvendi, Kryeministria me ministritë përkatëse, etj), institucionet e Drejtësisë Shqiptare, Institucionet Akademike e Universitare, institucionet ekonomike të Kryeqytetit, Bashkinë e Tiranës me Njësitë Bashkiake, Shoqërinë Civile, Shtëpitë Botuese, qytetarët e Qarkut të Tiranës, që të dhurojnë libra për fëmijët shqiptarë në shkollat e Luginës së Preshevës dhe në Malin e Zi.

Librat-Dhuratë për Fëmijët Shqiptarë (në këto treva etnike shqiptare e në shkollat përkatëse) mund të sillen të paketuara e me nënshkrime, si dhuratë individuale (nga personalitete të shtetit, akademikë, deputetë, botues, shkrimtarë, qytetarë) apo dhuratë kolektive (institucione të ndryshme).

Librat-Dhuratë për Fëmijët Shqiptarë në Luginën e Preshevës dhe në Malin e Zi dorëzohen në adresën:

“Klinika Erton” (Erton Diagnostic Center), Rruga “Don Bosko”. Pallati Nr. 92. Përballë Qendres Sociale e Kulturore dhe Kishës “Don Bosko”. Tiranë.

Tel: 00355694010657 dhe Emaili [email protected]

Librat-Dhuratë për Fëmijët Shqiptarë në Luginën e Preshevës dhe në Malin e Zi, të paketuara e nënshkruara, dorëzohen me 2 Maj 2022, e Hënë, Ditë Pushimi.

Librat-Dhuratë për Fëmijët Shqiptarë në Luginën e Preshevës dhe në Malin e Zi janë Projekt i Madh Kulturor i dr. Erton Karafilit, me mbështetje dhe nga “Gazeta e Alpeve”- Media PanShqiptare e NdërBallkanike (Shqipëri-Kosovë-Mali i Zi-Lugina e Preshevës e Sanxhak-Maqedoni e Veriut), ku mbi 3 mijë libra do të ndahen në mënyrë ceremoniale zyrtare, në prani të masmediave etj., me 13 Maj 2022, ora 10.00, në Hotel “Sirius” në qytetin e Prishtinës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë