E mërkurë, 18 nëntor 2026

Rubrikat

Mbështet Limit.al

Bërthama e brendshme e Tokës ndryshon lëvizjen, çfarë i ndodh planetit?

Bërthama e brendshme e Tokës mund të ketë reshtur rrotullimin në kahun e deritanishëm dhe po lëviz në drejtimin e kundërt, duke ndjekur një cikël oshilacionesh që zgjat rreth 70 vjet.

Në këtë përfundim kanë dalë studiues të Universitetit të Pekinit, të publikuar në revistën Nature Geoscience. Raporti i tyre daton në 23 janar, dhe fliste për mundësinë e këtij ndryshimi, por ekspertë të tjerë thonë se kjo gjë mund të ketë ndodhur tashmë! Bëhet fjalë për një ndryshim i cili, sic shpjegojnë ata, nuk ndikon direkt mbi jetën tonë të përditshme.

Por ai mund të justifikojë ndryshimin e gjatësisë së ditës çdo 60 apo 70 vjet, si dhe luhatjet e fushës magnetike të Tokës. Bërthama e planetit tonë përbëhet nga një shtresë e jashtme e lëngshme metali të shkrirë dhe një shtresë e brendshme e ngurtë, që është rreth 70 për qind sa madhësia së Hënës.

Në përgjithësi besohet se bërthama rrotullohet në drejtim të kundërt të akrepave të orës kur shihet nga Poli i Veriut. Xiaodong Song dhe Ji Yang, të cilët janë autorët e studimit pretendojnë se ai që quhet “planeti brenda globit” mund të rrotullohet në mënyrë të pavarur sepse noton në bërthamën e jashtme të shkrirë, rreth 3100 milje nën sipërfaqen e Tokës.

Mekanizmi i saktë me të cilin rrotullohet bërthama e brendshme ka qenë e mbetet sidoqoftë objekt polemikash mes shkencëtarëve, dhe ky hulumtim i fundit nuk pritet të kalojë pa diskutime. Song dhe Yang pretendojnë se rrotullimi i bërthamës së brendshme u ndal thuajse krejtësisht në 2009-tën e më pas rinisi në drejtimin e kundërt, e kanë bindjen se kjo bërthamorë lëkundet para dhe pas në raport me sipërfaqen e Tokës, si një lavjerrës.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi