E mërkurë, 18 nëntor 2026

Rubrikat

Mbështet Limit.al

Pritmë dhe unë do të kthehem

 Poezi nga Konstandin Simonov

Pritmë dhe unë do të kthehem,
Pritmë me shumë durim.
Pritmë

Kur shirat e verdhë të të krijojnë trishtim,
Pritmë kur të tërbohet stuhia e borës me erë.
Pritmë kur të nisë të nxehtit atje,
Kur të tjerët s’presin dot më,
kur harrojnë atë që ndodhi dje.
Pritmë kur nga vendet e largëta ndërdiç
Letrat e mia s’do të mbërrijnë kurrsesi,
Pritmë kur t’u vijnë me tepricë
Të gjithë ata që presin si ti.

Pritmë dhe unë do të kthehem,
Mos kërko të mirën e tyre pra,
Të atyre që e dinë krejt përmendësh
Se është koha për të harruar gjithçka.
Djali dhe nëna gjithashtu besojnë,
Që unë s’jam më gjallë,
Miqtë të lodhen duke pritur.
Të shtrënguar rreth zjarrit të ngrohtë valë
Le të pinë verë ata
Në kujtim të shpirtit tim …
Pritmë.
Mos nxito të pish me ta verën kuqëlim .

Pritmë dhe unë do të kthehem,
Për inat
të të gjitha vdekjeve.
Dikujt që më s’e priste,
Thuaji, pata fat.
Kush s’duroi të priste dot, s’mund të kuptojë
se si më shpëtove ti mua paq
Në mes të zjarrit
Me pritjen tënde,
me durimin e gjatë.
Vetëm ne të dy, e dimë
Se si unë mbeta gjallë gjer sot:
Vetëm ti, dite të prisje me përgjërim,
Si askush tjetër s’mund të dinte në botë.

1942./ KultPlus.com

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë