E mërkurë, 18 nëntor 2026

Rubrikat

Mbështet Limit.al

Pllaka e argjilës me vargjet e Homerit ndër 10 zbulimet më të famshme për arkeologjinë në 2018-ën

Një pllakë prej argjile me 13 vargje të “Odisesë” së Homerit, që u gjet në Olimpin antik në korrik, është një prej 10 zbulimeve më të famshme të vitit 2018 për arkeologjinë, sipas revistës së Institutit Amerikan të Arkeologjisë.

Sipas zbulimeve paraprake, tableta i përket epokës romake, me shumë mundësi më e vjetër sesa shekulli III pas Krishtit dhe u gjet në Olimp.

Kjo copë prej argjile duket të jetë fragmenti më i vjetër i Librit 14 të ”Odisesë”, vargjet 1-8 dhe 9-13, sipas një njoftimi pas zbulimit të tij në korrik 2018, transmeton ATSH.

Ekipi i gërmimit tha se “se deri tani, kjo është copa e parë e një pllake prej argjile që përmban pjesë të ‘Odisesë’ dhe ekspertët po bëjnë kërkime nëse kjo është copa më e vjetër që është gjetur në territorin grek që përmban poemën epike të Homerit”.

Kjo pllakë u gjet gjatë një studimi gjeo-arkeologjik që u zhvillua rreth mauzoleut nën mbikëqyrjen e Erofili Iris Kollia, drejtore e sektorit të Antikitetit, me bashkëpunimin e Institutit Gjerman të Arkeologjisë dhe tre universiteteve gjermane.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë