E mërkurë, 18 nëntor 2026

Rubrikat

Mbështet Limit.al

Ishte vetëm 5 vjeç te Titanic, aktori ende paguhet për rolin e tij të vogël në film

Një aktor i cili ka interpretuar një rol shumë të vogël në filmin “Titanic” ka zbuluar se ende paguhet për pjesën e tij, 25 vite pas shfaqjes për herë të parë në kinema.

Reece Thompson sot punon si drejtor marketing në Utah të Shteteve të Bashkuara të Amerikës dhe kur ishte 5 vjeç luajti rolin e një pasagjeri irlandez të klasit të tretë në filmin e suksesshëm të James Cameron, të vitit 1998.

Ai shfaqet në pjesën tragjike të filmit kur anija po mbushet me ujë, dhe së bashku me nënën e motrën e tij po presin vdekjen të shtrirë në krevatin e kabinës së tyre, pasi nuk kishte vend për ta në gomonet e shpëtimit.

Reece thotë vetëm një frazë në film: “Çfarë do të bëjmë, mami?”.

Nëna i përgjigjet: “Po presim që të fusin njerëzit e klasit të parë në gomone, pastaj do të na marrin neve. Duhet të jemi gati, dakord?”.

Në lidhje me rolin e tij, ai tha për një televizion australian se ende merr përqindjen e tij nga ky film.

“Akoma më vijnë çeqet, është e vërtetë. Por, kam disa vite që nuk e kam përditësuar adresën time, kështu që paratë nuk i kam marrë. Më shumë interesoheni ju (gazetarët) për këtë sesa vetë unë”, tregon Reece Thompson./A2CNN

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë