E mërkurë, 18 nëntor 2026

Rubrikat

Mbështet Limit.al

Guy Ritchie paditet për plagjiaturën e filmit “The Gentlemen”

Emri i njohur për kinematografinë, Guy Ritchie thuhet se është duke u përballur me një padi për filmin “The Gentlemen”. “Përballja” është me skenaristin Mickey De Hara, i cili ka pretendime se regjisori britanik ka kopjuar skena nga një skenar i dërguar prej tij.

Filmi i vitit 2020 ka të bëjë me një  tregtar droge, rolin e të cilit e luan Mattheë McConaughey, i cili përpiqet të shesë perandorinë e tij.

Akuza për Guy Ritchie

Në një padi të ngritur në Gjykatën e Lartë të Londrës muajin e kaluar, sipas Variety, De Hara pretendon se Guy Ritchie e ngarkoi atë të shkruante një vazhdim të filmit RockNRolla të vitit 2008 bazuar në “përvojat e tij personale të jetës” pasi dikur ishte dënuar për posedim kokaine dhe kanabis “me qëllim furnizimi” për të cilin u përball me burg.

Di Hara thuhet se pretendon se në vitin 2018, pasi i dërgoi Ritchie skenarin e tij për një protagonist që drejton një biznes marijuanë, Ritchie i tha atij se projekti nuk do të ndodhte.

Filmi The Gentlemen u publikua dy vjet më vonë dhe De Hara pretendon se është një riprodhim i skenarit të tij. Sipas padisë, filmi kopjoi personazhet e De Hara-s dhe “aspektet unike të komplotit” të skenarit të tij. Shikoni pamjet nga filmi:

Skenaristi pretendon se pas publikimit të filmit, ai i dërgoi një mesazh Richie duke thënë se sa të ngjashëm ishin të dy projektet dhe regjisori u përgjigj: “Mickey, unë dhe njerëzit e mi jemi përpjekur të kemi kontakt me ty prej disa vitesh. Nuk pati asnjë përgjigje. Jam i lumtur që do të ulemi dhe do të diskutojmë”.

De Hara mohon që Ritchie u përpoq të kontaktonte me të për këtë çështje përpara publikimit të filmit. Guy Ritchie thuhet se refuzoi kërkesën e skenaristit për të përfshirë emrin e tij në titullin e filmit, por sugjeroi që ai të vlerësohej si skenarist në një projekt tjetër, në të cilin ai nuk ishte i përfshirë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë