Revista e njohur angleze, e specializuar në udhëtime, publikoi klasifikimin e saj të përvitshëm.
Ashtu si çdo vit, revista angleze Time Out, ka bërë klasifikimin e 40 lagjeve më trendy të momentit, duke u kërkuar ekspertëve lokalë, trendsetter dhe influencer se cilat vende përfaqësojnë më së miri stilin dhe shpirtin e qyteteve të mëdha në botë, në lidhje me ushqimin, artin, kulturën, personalitetin dhe atmosferën.
Klasifikimi, i cili ndër të tjera, synon të zbulojë qoshe të fshehura dhe pak të njohura, këtë vit mori një kuptim disi të veçantë – gjatë muajve të karantinës, nëpër këto lagje u dobësua dimensioni turistik në favor të atij të lidhur me përditshmërinë e banorëve vendas, duke ofruar shërbime dhe mjedise që ishin pak a shumë të rehatshme për rezidentët.













