E mërkurë, 18 nëntor 2026

Rubrikat

Mbështet Limit.al

Zhvillohen sot zgjedhjet lokale në Turqi

Në Turqi po zhvillohen votimet në zgjedhjet lokale që shihen si një sprovë e fortë për Presidentin Recep Tayyip Erdogan, ku partia e tij rrezikon të humbë postet e kryebashkiakëve të Stambollit dhe Ankarasë.

Recesioni ekonomik dhe inflacioni i thellë janë motivet kryesore në zgjedhjet që bëjnë sot votuesit turq.

Rezultati për Stambollin, qyteti më i madh i Turqisë, njëkohësisht edhe qendra financiare e vendit, ende është vështirë të parashikohet.

Megjithëse emri i Presidentit Erdogan nuk është në fletëvotime, ai ishte i përfshirë direkt në fushatën për zgjedhjet lokale. Shumë analistë e komentuan angazhimin e tij si shenjë se ai është realisht i shqetësuar se partia e tij mund të humbasë në gara kryesore. Zoti Erdogan zhvilloi dhjetëra tubime gjatë ditëve të fundit në Stamboll për të konsoliduar mbështetjen për partinë e tij.

Në të gjitha fjalimet ai përpiqet të largojë vëmendjen nga ekonomia duke u përqëndruar tek siguria e vendit dhe duke ngritur shqetësime për kërcënime nga separatistët kurdë.

Një temë tjetër ka qenë axhenda e tij fetare. Ai ka luajtur në disa tubime momente nga masakra e 50 myslimanëve në dy xhami në Zelandën e Re, duke e prezantuar veten si mbrojtës të myslimanëve në mbarë botën. Analistët thonë se kjo retorikë ka qenë gjithmonë e suksesshme me bazën e tij nacionaliste dhe fetare.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet