Në Zelandën e Re me qindra njerëz marshuan para parlamentit në kryeqytetin e vendit në Wellington të martën për të protestuar kundër urdhrave që detyrojnë vaksinimin si dhe kufizimeve të lidhura me pandeminë.
Turma e madhe e njerëzve, shumë prej tyre protestues me motoçikleta bërtiste “liri”. Disa mbanin pankarta ku shkruhej “jo më kontroll”.
Kryeministrja Jacinda Ardern tha të hënën se bllokimi i qytetit më të madh të vendit, Auckland, ka të ngjarë të përfundojë në fund të këtij muaji, dhe se disa kufizime lidhur me koronavirusin janë lehtësuar që prej mëngjesit të së martës.



