E mërkurë, 18 nëntor 2026

Rubrikat

Mbështet Limit.al

Vjedhje në kohë lufte: Rusia po ia zhduk grurin Ukrainës

Zëvendësministri i Bujqësisë i Ukrainës ka akuzuar Rusinë se ka vjedhur disa qindra mijëra tonë drithë nga territori i pushtuar nga forcat e saj. Taras Vysotskyi, duke folur në televizionin kombëtar ukrainas, tha se kishte frikë se Rusia mund të vidhte shumicën e 1.5 milion tonë drithë në zonat tani nën kontrollin e saj, shkruan BBC, transmeton “Bota Sot”.

Rusia nuk ka komentuar mbi akuzat, por ushtria e saj ka shkaktuar humbje të mëdha ekonomike.

Granatimet e përhapura të Rusisë dhe bllokimi i porteve të Detit të Zi të Ukrainës kanë ndërprerë prodhimin e grurit, duke ngritur shqetësimin ndërkombëtar për rritjen e çmimeve të ushqimeve. Ukraina është një nga eksportuesit kryesorë në botë të drithërave dhe vajrave bimore. Ajo është quajtur “shporta e bukës” e Evropës.

Vysotskyi ka siguruar megjithatë ukrainasit se ata nuk do të vuajnë mungesën e ushqimit për shkak të ndërprerjes.

Një anije mallrash që transportonte mbi 71,000 ton misër ukrainas u largua nga porti rumun i Konstancës të enjten – e para që kur Rusia pushtoi Ukrainën më 24 shkurt.

Constanta po trajton eksportet e Ukrainës në një gjest solidariteti rumun, pasi marina ruse po bllokon Odesën, qendrën kryesore të eksportit të Ukrainës.

Drithërat janë një çështje jashtëzakonisht e ndjeshme në Ukrainë, ku shumë familje kanë kujtime të hidhura nga uria e viteve 1930 (“Holodomor”), e shkaktuar nga dëbimet sovjetike të fshatarëve më të pasur (“kulakët”) dhe kapja e fermave.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet