E mërkurë, 18 nëntor 2026

Rubrikat

Mbështet Limit.al

Varhelyi: BE, gati për çeljen e negociatave me Tiranën dhe Shkupin

Bashkimi Europian është gati për hapjen e negociatave të anëtarësimit të Shqipërisë dhe Maqedonisë së Veriut. Këtë e pohon Komisioneri për Zgjerimin, Oliver Varheji, i cili në një intervistë për Deutsche Welle para nisjes së samitit të Zagrebit, pranon se unioni ua ka përmbushur kushtet vendeve skeptike si Franca dhe tashmë ato nuk kanë asnjë arsye për të kundërshtuar vazhdimin e procesit.

“BE është gati. Në mars pati një përkushtim të qartë, kur të gjithë miratuan fillimin e negociatave. Jam shumë optimist, se do ta bëjmë këtë. Mendoj, se këto gjëra janë pjesë e kulturës europiane të negociimit, që herë pas here ka si hapa mbrapa edhe progres. Por në fund vlen rezultati. Nëse i shikoni arritjet e këtij Komisioni Europian, atëherë do të dalloni, që ne e kemi vënë Ballkanin Perëndimor dhe zgjerimin sërish në axhendën e ditës. Krerët në BE do të merren me këtë, madje në mesin e krizës së Coronës. Mendoj, se ky është një konfirmim i qartë nga ana e BE”.

Varheji shprehet se me krizën e koronavirusit është shumë e vështirë për të përcaktuar një datë për fillimin e negociatave. Por ai garanton se BE po punon për përgatitjen e raportit vjetor të zgjerimit ku pritet të bëhet një propozim konkret.

“Besoj, se pandemia e ka përforcuar angazhimin tonë për Ballkanin Perëndimor. Nëse shikoni, se çfarë po bëjmë aty, e kuptoni që kemi nisur ndihmë konkrete në të gjashtë shtetet. Kemi kërkuar që nga dita e parë kontakt për të ndihmuar në këtë krizë”.

Varheji flet edhe për rrugëtimin e Kosovës në Bashkimin Europian, ku si kushtin më të rëndësishëm rendit normalizimin e marrëdhënieve me Serbinë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet