E mërkurë, 18 nëntor 2026

Rubrikat

Mbështet Limit.al

Trump shpall zyrtarisht kandidaturën për garën presidenciale të vitit 2024

“Për ta bërë Amerikën sërish të madhe dhe të lavdishme, po shpall kandidaturën time për president të SHBA-së”, tha Trump gjatë një ngjarjeje në rezidencën e tij Mar-a-Lago në Florida.

Ish-presidenti i SHBA-së, Donald Trump, zyrtarisht ka shpallur kandidaturën e tij për garën presidenciale të vitit 2024, transmeton Anadolu Agency (AA).

“Për ta bërë Amerikën sërish të madhe dhe të lavdishme, po shpall kandidaturën time për president të SHBA-së”, tha Trump gjatë një ngjarjeje në rezidencën e tij Mar-a-Lago në Florida.

Sipas tij, SHBA-ja është në një “gjendje të tmerrshme” dhe në “telashe të shumta”.

“Kjo nuk është një detyrë për një politikan apo një kandidat konvencional. Kjo është një detyrë për një lëvizje të madhe që mëshiron guximin, besimin dhe shpirtin e popullit amerikan”, tha Trump.

Javën e kaluar, Trump tha se do të bëjë një “njoftim shumë të madh” nga rezidenca e tij para zgjedhjeve të mes-mandatit në SHBA, për të cilin shumë prisnin se do të jetë njoftimi për të kandiduar përsëri për president.

Vetëm pak orë më parë, dokumentet treguan se ai ka paraqitur dokumentet në Komisionin Federal të Zgjedhjeve për garën presidenciale.

“Në vend që Amerika të vendoset e fundit, siç e ka bërë tepër administrata Biden, shumë hapur dhe me guxim, ne do ta vendosim Amerikën të parën”, tha Trump, duke u zotuar se do t’i bashkojë njerëzit.

Ai gjithashtu tha se po kandidon sepse beson se “bota nuk e ka parë lavdinë e vërtetë të asaj që mund të jetë ky komb”.

“Së pari, ne duhet të dalim nga ky hendek. Dhe sapo të dalim, ju do të shihni gjëra që askush nuk i imagjinonte për asnjë vend”, theksoi ai.

Trump shërbeu si president midis viteve 2016 dhe 2020. Në garën e vitit 2020, kandidati demokrat, presidenti Joe Biden e mundi atë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet